Метрода ёнғин юзага келгани бўйича хабар тарқалди
@SirdaryoИжтимоий тармоқда Тошкент метросида ёнғин юз бергани бўйича хабарлар тарқалди.
«Xabar.uz»нинг ёзишича, 23-декабрь куни метронинг «Космонавтлар» бекатида ҳаракатланиб вагонда техник сабабларга кўра сақлагич (предохранитель) куйганлиги ёки тормоз колодкаси сиқиб қолганлиги тахмин қилинмоқда .
Воқеа жойида ёнғин юзага келмаган. Носоз вагон - таъмирлаш учун депога юборилган, дейилади ФВВ хабарида.
Фуқаролар хавфсиз жойга эвакуация қилинган, ҳодиса оқибатида жабрланган ва ҳалок бўлганлар йўқ.
Воқеа жойига шаҳар ҳамда туман ФВБ раҳбар ходимлари ва 2 та ёнғин-қутқарув экипажлари жалб этилган.
Ҳозирда вазият оқибатлари бартараф этилган, метро одатий иш режимида ишламоқда.