“Ўзбекистоним – шон-шуҳратим, Боёвутим – саодатим!”
@SirdaryoБоёвут туманида амалга оширилган кенг қамровли бунёдкорлик ишлари билан танишиш мақсадида “Ўзбекистоним – шон-шуҳратим, Боёвутим – саодатим!” номли амалий семинар ташкил этилди.
Унда Олий Мажлис Сенати раиси Танзила Норбоева, вилоят ва туман сектор раҳбарлари, фахрий меҳмонлар ва кенг жамоатчилик иштирок этмоқда.
Семинар туманнинг «Ҳосилобод» маҳалласида жойлашган халқимизнинг фидойи фарзанди Усмон Юсупов номи билан аталувчи боғ, унинг марказида ўрнатилган давлат ва жамоат арбоби бюсти пойига гуллар қўйиш билан бошланди.
Хотира боғининг умумий майдони 8 гектарни ташкил этади. Боғ меъморий жиҳатдан ҳам, ландшафт жиҳатидан ҳам маҳалланинг кўркига айланди десак муболаға бўлмайди. Ўзбекона айвон деворларидан Усмон Юсуповнинг ҳаёти ва фаолияти акс этган маълумот ва фотосуратлар жой олган. Айни чоғда унда маҳалла гузари, отахонлар чойхонаси, «Гўзаллик салони» сингари масканлар ҳам мавжуд.
Сирдарё вилояти ҳокимлиги Ахборот хизмати