Сирдарё - Қашқадарё: ўзаро тажриба алмашиш, ҳамкорликда иш юритишнинг янги имкони

Қашқадарё вилоятидан бир қатор раҳбарлар Сирдарёга амалий ташриф билан келгани ҳақида хабар берган эдик. 

Вилоят, туман ва шаҳар ҳокимлари, уларнинг ўринбосарларидан иборат делегация аъзолари куннинг биринчи ярмида вилоятимизда сўнгги йилларда қуриб фойдаланишга топширилган Сирдарё туманидаги “Темур Мед фарм”, “Сирдарё Универсал ойна” ҳамда “Пенг Шенг” , “Ванг Да груп” Ўзбекистон-Хитой қўшма корхоналарининг ишлаб чиқариш фаолияти билан танишиш. 

Куннинг иккинчи ярмига келиб Мирзаобод туманидаги 30 гектар майдондаги сабзавот етиштиришга ихтисослашган “Бек кластер” иссиқхона комплекси, трикотаж маҳсулотлари ишлаб чиқаривчи “Орчит Бюти” комплекси, мева-сабзавот маҳсулотларини сублимация усулида қуритиш билан шуғулланувчи “Суб Драй” корхонаси, ўсимлик ёғи ишлаб чиқарувчи “Оқолтин ёғ-мой саноати” лойиҳасини кўздан кечириб, “Янги Ўзбекистон” маҳалласидаги кенг кўламли бунёдкорлик ишларига, янгиланиш жараёнига бевосита гувоҳ бўлдилар. 

Сирдарёнинг ишлаб чиқариш салоҳияти, хизмат кўрсатиш ҳамда бошқа соҳалардаги ижобий натижаларининг омилларига эътибор қаратдилар. 

Ушбу ташриф ҳар икки томон учун ҳам манфаатли бўлиб, ўзаро тажриба алмашиш, ҳамкорликда иш юритишнинг янги имкониятларини очади.