Сайхунобод тумани ҳокими, 1-сектор раҳбари Фаррух Ўктамжонов томонидан тумандаги Нурли йўл маҳалласида уйма-уй юриш орқали сайёр қабул ўтказилди (фото)
@SirdaryoҚабул аҳоли билан тўғридан-тўғри мулоқотни янада кенгайтириш, мавжуд долзарб муаммоларни аниқлаш, фуқароларнинг эътирозлари ва мурожаатларига сабаб бўлаётган омилларни жойида бартараф этиш мақсадида ташкил этилиб, унда Нурли йўл маҳалласи аҳолисининг муаммолари кўриб чиқилди.
Уйма-уй юриш орқали 51 та хонадон ўрганилди.
Қабул жараёнида Сайхунобод тумани Халқ қабулхонаси мудири Шавкат Юнусалиев ва сектор штаби аъзолари иштирок этдилар.
Қабул жараёнида сектор раҳбари Фаррух Ўктамжонов томонидан маҳалла ҳудудида жойлашган 18-мактабнинг куз-қиш мавсумига тайёргарлик ҳолати ва бу борадаги мавжуд камчиликлар ўрганилиб ушбу камчиликларни бартараф этиш бўйича мутасаддиларга топшириқлар берилди.
Қабулда қатнашган фуқаролардан 8 та масала юзасидан мурожаатлар келиб тушди. Ўтказилган қабул натижалари бўйича 1 нафар мурожаатчининг масаласи жойида ижобий ҳал этилди ва қолган 7 та мурожаат юзасидан амалдаги қонунларга кўра ўрганиб чиқиш учун Халқ қабулхонаси томонидан назоратга олинди.
Бежиз айтишмаганда: "Ҳамма кучни халқ ичидан олайлик, қучоқ очиб халқ ичига борайлик", туман ҳокими Фаррух Ўктамжоновнинг тасодифан лой кечиб аҳоли хонадонида уйма-уй юриши халқимизнинг ҳокимларга нисбатан ҳурмати яна ошишидан далолат.
Сайхунобод тумани ҳокимлиги Ахборот хизмати