Канада Бош вазирининг махсус вакили вилоятимизда
@SirdaryoБугун Сирдарё вилояти ҳокимлигида, Канада Бош вазирининг Европа Иттифоқи ва Евросиё давлатлари бўйича махсус вакили, Канаданинг Германиядаги элчиси Стефан Дион раҳбарлигидаги делегация вакиллари билан учрашув бўлиб ўтди.
Учрашув давомида меҳмонларга вилоят ҳокимининг ўринбосари И.Муминов ва адлия бошқармаси бошлиғи Ж.Нуритдинов томонидан вилоятимизда Ҳаракатлар стратегияси асосида барча жабҳаларда амалга оширилаётган кўламдор ислоҳотлар хусусида, юртимизда бўлиб ўтаётган сайлов жараёнлари тўғрисида батафсил маълумотлар берилди.
Вилоятимизда фаолият олиб бораётган “Юрт истиқболи” ижтимоий ахборот марказига Канада фонди томонидан ажратилган гранд маблағлари ҳисобига қилинган ишлар билан танишдилар ҳамда вилоятдаги нодавлат нотижорат ташкилотлар вакиллари билан суҳбатлашилди.
Музокаралар чоғида Ўзбекистон ва Канада ўртасидаги муносабатларнинг янада чуқурлашувининг долзарблиги таъкидланди. Шунингдек, яқин истиқболдаги ҳамкорликнинг муҳим қирралари белгилаб олинди.
Учрашув дўстона ва ишчанлик муҳитида ўтди.
Сирдарё вилояти ҳокимлиги Ахборот хизмати