Гулистон тумани 13-умумтаълим мактабида “Миллий рақслар гулдастаси” номи остида Миллий рақслар танлови бўлиб ўтди.
https://t.me/Sirdaryo
Гулистон туман халқ таълими бўлимига қарашли 13-умумтаълим мактабида Ёшлар иттифоқи бошланғич ташкилот етакчиси С.Шербекова томонидан уюштирилган “Миллий рақслар гулдастаси” номи остида Миллий рақслар танлови бўлиб ўтди.
Танлов рақс соҳасида иқтидорли қизларни имкониятларини синаб кўриш, танлаб олиш ва уларни рағбатлантириш мақсадида бўлиб, 5-11-синф ўқувчи қизлари орасида ўтказилди.
Танловда фақат миллий куй-қўшиқларга рақслар ижро этилиб, иштирокчилар иккита шарт асосида беллашдилар.
Биринчи шартга қизлар ўзлари танлаган куйга рақс тайёрлаб келишлари вазифа қилиб берилди.
Иккинчи шарт эса ҳакамлар томонидан танловнинг ўзида вазифа қилиб берилган куй ёки қўшиқга рақс ижро этиб беришлари топширилди.
Танлов давомида қувонарли жиҳат шу бўлдики, қизларнинг уйга вазифа шартига тайёрлаб келган рақсларининг кўпчилиги ўзбек миллий мумтоз қўшиқлари бўлиб, “Дўппи”, “Хоразимча”, “Мустаҳзод”, “Муножот” шулар жумласидандир. Тадбир жуда юқори савияда ва кўтаринки руҳда бўлиб ўтди. Ғолиб бўлган иштирокчилар Ёшлар етакчиси ва мактаб маъмурияти томонидан муносиб тақдирланди.
Шербекова Сурайё,
Гулистон тумани 13-мактабнинг ёшлар етакчиси