Гулистонда ҳуқуқни муҳофаза қилувчи органлари ходимлари ва ҳарбийлар учун янги уйлар бунёд этилмоқда (фото)
@Sirdaryo
Cирдарё вилояти ҳокими ўринбосари Абдуғаффор Хожиматов бошчилигидаги ишчи гуруҳ томонидан Гулистондаги 6-мавзеда янгитдан бунёд этилаётган уй-жой ва мактабгача таълим муассасалари қурилиш ишларининг бориши ўрганилди. Бу ҳақда вилоят ҳокимлиги қурилиш котибияти матбуот хизмати хабар бермоқда.
"Мазкур ҳудудда қурилаётган уйлар ва боғчанинг қурилиш ишлари йил охирига қадар якунлаш, коммуникация ишларини тугатиш бўйича келишиб олинди", - дейилади хабарда.
Маълумот ўрнида, Гулистондаги 6-мавзе ҳудудида ҳуқуқни муҳофаза қилувчи органлари ходимлари ва ҳарбийлар учун жами 5 та кўп-қаватли турар жойлар қурилмоқда. Шунингдек, 250 ўринли 15-сонли болалар боғчасининг қурилиш ишлари тугалланган.