СИРДАРЁ ВИЛОЯТИДА ҚЎЛ ЖАНГИ ЯККА КУРАШ СПОРТ ТУРИ БЎЙИЧА БИРИНЧИЛИК МУСОБАҚАЛАРИ БЎЛИБ ЎТДИ
@SirdaryoҲарбий хизматчи ва ходимларнинг жисмоний тайёргарлигини мустаҳкамлаш ҳамда улар ўртасида спортнинг якка кураш турларидан қўл жанги спорт турини ривожлантириш ва оммалаштириш, яккама-якка олишувларда ходимларнинг махоратларини янада ошириш мақсадида Сирдарё вилояти "Динамо" спорт мажмуасида Миллий гвардия Сирдарё вилояти бўйича бошқармаси, Сирдарё вилояти Ички ишлар бошқармаси, Давлат хавфсизлик хизмати чегара қўшинлари ҳарбий хизматчи ва ходимлардан ташкил топган учта жамоа иштирок этди.
Юқори савияда ташкил этилган ушбу мусобақага Ўзбекистон хуқуқни мухофаза қилувчи органлари қўл жанги федерацияси халқаро тоифадаги спорт ўсталари томонидан хакамлик қилинди.
Муросасиз ва жадал тарзда бўлиб ўтган жангнинг ғолиб ва совриндорларга "Динамо" спорт мажмуаси ҳамда хамкор ташкилотларнинг диплом ва қимматбаҳо совғалари топширилди.
Миллий гвардия Сирдарё вилояти бўйича бошқармаси матбуот хизмати