“Бешта муҳим ташаббус”

Муҳтарам Президентимиз томонидан илгари сурилган “Бешта муҳим ташаббус”ни Сирдарё вилоятида тизимли равишда амалга ошириш бўйича Сирдарё вилояти касбий таълимни ривожлантириш ва мувофиқлаштириш худудий бошқармаси томонидан бир қатор амалий ишлар ўтказилмоқда.

I.  5 та муҳим ташаббус доирасида “Мен буюк юрт фарзандиман” мавзусида 2020 йил 27 октябрь куни Оқолтин тумани касб-хунар мактабида Мудофа вазирлиги Марказий харбий округ қўшинлари қўмондонлиги билан хамкорликда Ёшлар маънавиятини юксалтириш ва уларнинг бўш вақтларини мазмунли ташкил этиш бўйича харбий ватанпарварлик фестивали ташкил этилди.

Фестивалда Марказий харбий округ қўшинлари қўмондонининг ўринбосари полковник П.Сативалдиев, Оқолтин тумани хокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари А.Хайдаровлар иштирок этдилар ва фестивалда фахрли ўринларни эгаллаган ўқувчиларни қимматбаҳо ва эсдалик совғалари билан тақдирладилар. 

Сирдарё вилояти касбий таълимни ривожлантириш ва мувофиқлаштириш худудий бошқармаси Ахборот хизмати