Халқ депутатлари Ширин шаҳар кенгашининг навбатдаги ўн саккизинчи сессияси тафсилотлари
@SirdaryoЖорий йилнинг 24 октябр куни Халқ депутатлари Ширин шаҳар кенгашининг олтинчи чақириқ ўн саккизинчи сессияси бўлиб ўтди.
Сессия кун тартибидан шаҳарда озиқ-овқат хавфсизлигини таъминлаш, бозорларда нарх-наволарнинг сунъий ошиб кетишини олдини олиш, айниқса, аҳоли учун ижтимоий муҳим турдаги озиқ-овқат ва қишлоқ хўжалиги маҳсулотлари заҳирасини яратиш юзасидан амалга ошириладиган чора-тадбирлар натижадорлиги масаласига алоҳида эътибор қаратилди.
Хусусан, шаҳар ҳокими, 1-сектор раҳбари С.Султонов озиқ-овқат хавфсизлиги ҳамда унинг етарлича заҳирасини яратиш бўйича амалга оширилаётган ишлар ва қилиниши лозим бўлган чора-тадбирлар бўйича депутатлар ҳамда сессия қатнашчиларига ҳисобот берди.
Шунингдек, сессия давомида қолган ҳар бир сектор раҳбарлари ўзларининг сектор ҳудудлари кесимида озиқ-овқат заҳираси бўйича амалга ошириладиган ва қилинган ишлар бўйича ўзларининг ҳисоботларини беришди.
Сессия ишида Ўзбекистон Республикаси Олий Мажлис Сенатининг аграр, сув хўжалиги масалалари ва экология қўмитаси раиси ўринбосари Сиддиқов Рисқул Эргашбоевич ҳам иштирок этиб, Ширин шаҳар 4 та сектор раҳбарларига озиқ-овқат хавфсизлигини таъминлаш, бозорларда нарх-наволарни сунъий ошиб кетишини олдини олиш, айниқса, аҳоли учун ижтимоий муҳим турдаги озиқ-овқат ва қишлоқ хўжалиги маҳсулотлари заҳирасини яратиш юзасидан тегишли тавсия ва хулосаларни берди.
Шу билан биргаликда, бугунги пандемия шароитида бу масала нечоғлик муҳим эканлигигига алоҳида эътибор қаратди.
Сессияда алоҳида эътибор қаратилган озиқ-овқат хавфизлиги ва захирасини яратиш бўйича "Шаҳарда озиқ-овқат хавфсизлигини таъминлаш, бозорларда нарх-наволарни сунъий ошиб кетишини олдини олиш айниқса, аҳоли учун ижтимоий муҳим турдаги озиқ-овқат ва қишлоқ хўжалиги маҳсулотлари заҳирасини яратиш юзасидан амалга ошириладиган чора-тадбирлар натижадорлиги тўғрисида"ги Халқ депутатлари Ширин шаҳар Кенгаши қарори лойиҳаси бир овозда тасдиқланди.
Ширин шаҳар ҳокимлиги Ахборот хизмати