Мурожаатлар ўз ечимини топмоқда
@Sirdaryo
Янгиер шаҳар 4-сектор ҳудудига қарашли "Наврўзобод" маҳалласи Сайқал кўчасида янги қурилган якка тартибдаги уйларда яшовчи фуқаролар томонидан Халқ қабулхонаси ва сектор раҳбарларига мурожаат келиб тушди.
Қўшимча электр энергияси билан таъминлашда амалий ёрдам сўраб қилинган мурожаат юзасидан жорий йилнинг 20 октябрь кунидан бошлаб 57 та устун, 1 дона трансформатор ва 1,2 км янги электр тармоғини қуриш ишлари бошлаб юборилди.
Шу ойнинг охирига қадар 64 та хонадон узлуксиз электр энергияси билан таъминланиши режалаштирилган.
Янгиер шаҳар ҳокимлиги Матбуот хизмати