Чимёнда туристик автобус жарликка қулади. Катта эҳтимол билан воқеа бугун эмас, кеча содир бўлган (фото)
@SirdaryoТошкент вилоятининг Бўстонлиқ туманида, Чимён туристик ҳудудида сайёҳларни ташишга мўлжалланган автобус йўлдан чиқиб кетиб, жарликка қулаган, дейилади "Дарё" хабарида.
Ижтимоий тармоқларда ҳодиса жойидан олинган фотосуратлар тарқалди. Қайд этишларича, ҳайдовчи автобусни тормозга қўйишни унутган ва у қиялик бўйлаб ҳаракатланиб кетган.
Ҳодиса оқибатида ҳалок бўлганлар йўқлиги айтилмоқда. Воқеа айнан қачон бўлгани ҳақида ҳозирча аниқ маълумот йўқ.
P.S.: Бироқ, тасдиқланмаган хабарларга кўра, айрим телеграм гуруҳларида куни кеча 22 сентябрь куни кечги вақтларда бу ҳақдаги ёзишмалар пайдо бўлган.