«Ҳайдовчиларнинг эътирозлари ўринли. Оқолтиндаги кўприк тез фурсатларда сифатли қилиб таъмирланади» — Мурожаатга муносабат билдирилди
@Sirdaryo
Куни кеча, 21 сентбярь куни каналимиз орқали ёритилган Оқолтин тумани ҳудудидаги йўл таъмирлаш ишлари билан боғлиқ мурожаат юзасидан, туман йўллардан фойдаланиш унитар корхонаси масъул ходими Содиқ Синдаров биз билан боғланиб, мурожаат юзасидан ўзининг муносабатини билдирди.
"2020 йил 21 сентябр куни "Sirdaryo Xabarlari" телеграм каналида Оқолтин туманида "Мантихона"га боришда каналнинг устидан ўтиш жойида таъмирлаш учун бетон тўсиқ қўйилган. Ўша тўсиққа, жуда кўп машиналар келиб урилиб, жуда ёмон авариялар бўлмоқда. Йўлни таъмирлаш ишлари 5 ойдан буён тугатилмаган, шунчаки турибди. Мен ўзим иккита авариянинг гувоҳиман" дея ҳайдовчиларнинг ўринли эътирозларини инобатга олган ҳолда шуни маълум қиламизки:
Оқолтин туман йўллардан фойдаланиш унитар корхонаси қарамоғидаги халқаро ахамиятидаги М-39 “Тошкент-Термиз” автомобил йўлининг 924+700 пк даги 36 пм 1974-йилда қурилган темир бетон кўприк 1-май куни Сардоба сув омборида рўй берган табиий офат туфайли кўприк остки тупроқ қисми емирилиб, ҳозирги кунда қатнов қисмида ёриқлар пайдо бўлганлиги сабабли кўприкда огоҳлантирувчи йўл белгилари ўрнатилиб, ҳаракатланиш чекланган.
Ҳозирги кунда «Ўзбекистон темир йўллари» давлат акциядорлик компаниясининг «Кўприк қурилиш трести» унитар корхонаси №13-кўприк қурилиш бўлинмаси ушбу кўприкни таъмирлаш юклатилган. Бугунги кунда кўприкни тез фурсатларда сифатли қилиб таъмирлаш режалаштирилган", - дейди С.Синдаров.