“Халқ таълими: ўзгаришни ўзимиздан бошлайлик”
@SirdaryoЯнги ўқув йили арафасида тумандаги 11-сон мусиқа ва санъат мактаби мажлислар залида туман ўқитувчиларининг анъанавий август Кенгаши бўлиб ўтди.
Бўлиб ўтган Конференцияда туман ҳокимлиги, туман ҳуқуқни мухофаза қилувчи орган раҳбарлари, туман халқ таълим бўлими ходимлари ва илғор ўқитувчилар таклиф этилдилар.
Туман ҳокими Алижон Мухамадиев ўқитувчилар, устоз педагогларни яқинлашиб келаётган Ўзбекистон Республикаси мустақиллигининг 28 йиллиги ҳамда янги 2019-2020 ўқув йили муносабати билан самимий қутлади.
Туман ҳокими ўз сўзида муаллимлар эртамиз эгалари бўлмиш кадрлар яратувчиси, фарзандларимизга янгича тафаккур, янгича инсоний туйғулар билан ошно этиш, уларни мустақил фикрлашида сизларнинг ҳиссангиз беқиёс деб таъкидлаб ўтди.
Конференцияда туман халқ таълими мудири Жахонгир Синдаров “Туман халқ талими томонидан 2018-2019 ўқув йилида амалга оширилган ва янги ўқув йилидаги долзарб вазифалар ҳақида” ҳисобот берди. Шунингдек ёш ўқитувчилар август Кенгашида қасамёд қабул қилишди.
Конференция якунида тажрибали педагоглар ва фахрий ўқитувчилар туман ҳокимлиги, вилоят халқ таълими бошқармаси, туман халқ таълими бўлими, касаба уюшмасининг эсдалик совғалари ва “Фахрий ёрлиқ”лари билан тантанали равишда тақдирландилар.
Сирдарё туман ҳокимлиги ахборот хизмати