Ширин шаҳар ҳокимига янги ўринбосар тайинланди
@Sirdaryo
Жорий йилнинг 25 август куни Халқ депутатлари Ширин шаҳар Кенгашининг навбатдаги ўн учинчи сессияси бўлиб ўтди.
Бўлиб ўтган мазкур сессия кун тартибида ташкилий масала кўриб чиқилди.
Унга кўра, Ширин шаҳар ҳокими ўринбосари, Маҳалла ва оилани қўллаб-қувватлаш бўлимига янги бошлиқ тасдиқланди.
Бойқобилов Рафиқ Хужаназарович - Ширин шаҳар ҳокими ўринбосари, Маҳалла ва оилани қўллаб-қувватлаш бўлими бошлиғи этиб тайинланди.
Р.Бойқобилов шу вақтгача шаҳар ҳокимлигининг бир қанча лавозимларида иш фаолиятини юритиб келган. Бу лавозимга тайинлангунга қадар, Ширин шаҳар ҳокимлигининг ташкилий-назорат гуруҳи раҳбари лавозимида ишлаб келаётган эди.
Халқ депутатлари Ширин шаҳар Кенгашининг мазкур сессиясида шунингдек, бюджет маблағларининг орттириб бажарилган қисмини тақсимлаш; пандемия даврида тўй-ҳашамлар ва мароисмларни ўтказиш тартиб ҳам депутатлар, сектор раҳбарлари ва тегишли ташкилот раҳбарлари билан кенг муҳокама қилинди.
Ширин шаҳар ҳокимлиги Ахборот хизмати