Сирдарё вилояти прокуратурасида ёш мутахассислар иштирокида семинар-тренинг ўтказилди
@SirdaryoСирдарё вилояти прокуратураси томонидан ёш мутахассислар ва терговчиларни амалий иш тажрибаларини ошириш мақсадида мунтазам равишда семинар-тренинглар ўтказиб борилмоқда.
Навбатдаги семинар-тренинги жорий йилнинг 20 август куни “Содир этилган йўл-транспорт ҳодисалари бўйича воқеа жойини кўздан кечиришга қўйиладиган процессуал талаблар” мавзусида ўтказилди.
Унда ёш мутахассислар ва терговчилар содир этилган йўл-транспорт ҳодисаси бўйича ўтказиладиган терговга қадар текшириш ва жиноят ишларини тергов қилишда алоҳида эътибор беришлари лозим бўлган ҳолатларни аниқлашлари ва уларда зарур кўникмаларни шакллантириш учун ҳодиса жойи сунъий равишда яратилган ҳолда олиб борилди.
Семинар-тренингида Ўзбекистон Республикаси Адлия вазирлиги ҳузуридаги Ҳ.Сулаймонова номидаги Республика суд экспертизаси марказининг Сирдарё вилояти бўлими экспертлари ҳамда туман-шаҳар прокуратураларида фаолият олиб бораётган ёш мутахассислар ва терговчилар иштирок этишди.
Шунингдек, ёш мутахассислар ва терговчилар ўзларини қизиқтирган ва амалиётда дуч келаётган муаммоли ҳолатлар бўйича саволларига мутахассислар томонидан жавоблар олишди.
Семинар-тренинги натижаси бўйича тегишли чора-тадбирлар белгиланиб, қарор қабул қилинди.
Сирдарё вилояти прокуратураси