Янгиер шаҳрида юк автомобили пиёдани уриб юборди...
@SirdaryoВилоят ИИБ ЙҲХБ матбуот хизмати томонидан, Янгиер шаҳрида содир бўлган ЙТҲ ҳақида расмий маълумот тақдим этилди:
2019 йил 16 август куни соат 09:50да тушган ҳабарга кўра Янгиер шахар Обод-юрт маҳалласида яшовчи 1987 йилда туғилган А.А. Боёвут туманида жойлашган “Мухриддин Муртозоқулович” МЧЖга қарашли сариқ рангли “Чакман” русумли 20 979 LAA давлат рақамли белгили юк автомашинасини Янгиер шаҳар, Бинокор МФЙ, ҳудудидан ўтувчи М-34 автойўлининг Тошкент Душанбе йўли 144-километри Янгиер-Гулистон йўналишида бошқариб бораётиб, Янгиер автошохбекати олдида йўлнинг пиёдалар ўтиши учун мўлжалланган йўлаги мавжуд бўлган жойдан ўнг томондан чап томонга кесиб ўтаётган Ховос тумани, Тошкент кўчасида яшовчи пиёда 1953 йилда туғилган М.Х.ни автомашинанинг олд чап қисми билан уриб юбориб ЙТҲ содир этган.
ЙТХ натижасида М.Х. олган тан жарохатларининг оғирлигидан воқеа жойида вафот этган.