Сирдарёлик эркин курашчимиз Мақсуд Вейсалов жаҳон чемпионатининг бронза медалига сазовор бўлди
@SirdaryoВилоят Жисмоний тарбия ва Спорт бошқармаси матбуот хизматининг хабар беришича, Эстониянинг Таллин шаҳрида спорт курашлари бўйича ёшлар ўртасида жаҳон чемпионати давомида, -97 килограмм вазн тоифасида кечган эркин кураш баҳсида ҳамюртимиз Мақсуд Вейсалов бронза медалига сазовор бўлди.
Полвонимиз учинчи ўрин учун кечган курашда ҳиндистонлик Акаш Антига ҳеч қандай имконият қолдирмади.
Маълумот ўрнида: Мақсуд Вейсалов Сирдарё тумани Бахт шаҳрида 1999 йил 23-январда тавалуд топган, ҳозирда Гулистон давлат университети жисмоний маданият факультети 2-курс талабаси.
Қувонарлиси, Ўзбекистон терма жамоаси мазкур мусобақада ўзининг дастлабки медалини қўлга киритди.