Сариосиё туманида коллеж директор ўринбосари ўқишни кўчиртириб бериш эвазига пора олаётган вақтда қўлга олинди
@Sirdaryo
Бош прокуратура ҳузуридаги Департаментнинг Узун туман бўлими ва туман прокуратураси ходимлари билан ҳамкорликда ўтказилган тезкор тадбирда Сариосиё тумани Агросаноат касб-ҳунар коллежи директори ўринбосари И.М. ушбу коллежга ўқишга жойлаштириш ҳамда келгусида танишлари орқали тумандаги Педагогика касб-ҳунар коллежига ўқишни кўчиртириб бериш эвазига фуқаро Н.Н.дан 8 млн. 700 минг сўм пулларни олган вақтида ашёвий далиллар билан ушланган.
Бу ҳақда Бош прокуратура ахборот хизматига таяниб, ЎзА хабар бермоқда. Мазкур ҳолат юзасидан И.М.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.