Доллар расмий курси яна кескин қимматлаб, 9000 сўмлик чегарадан ўтди
@Sirdaryo
Ўзбекистон Марказий банки 2019 йилнинг 16 августидан хорижий валюталарнинг сўмга нисбатан қийматини белгилади.
xabar.uz'нинг маълум қилишича, янги қийматга кўра, АҚШ доллари курси яна аввалги курсга нисбатан кескин ошди (179,00 сўм), 9061 сўм этиб белгиланди. Тўрт кун аввал доллар бир уринишда 8882 сўмга чиққанди.
Евро курси ҳам кескин ошди (+163,84) ва бир евро 10092,14 сўм этиб белгиланди.
Эслатиб ўтамиз, икки кун аввал тижорат банклари АҚШ долларининг олди-сотти курсини яна кескин оширишганди.
Марказий банк мазкур валюталарни ушбу қийматда сотиш ёки сотиб олиш мажбуриятини олмаган.