Бешта вилоятда, хусусан Сирдарё вилоятида тест синовлари якунланди. ДТМ бу ҳақда маълумот берди

Давлат тест маркази Олий таълим муассасаларига ўқишга кириш учун ўтказиладиган тест синовлари якунланган ҳудудлар бўйича маълумотига таяниб, xabar.uz хабар бермоқда.

Республика бўйича 5 та ҳудудда тест синовлари якунланди:

1. Сурхондарё вилояти;
2. Наманган вилояти;
3. Сирдарё вилояти;
4. Тошкент шаҳри;
5. Қашқадарё вилояти.

Сирдарё вилоятида жами 33 758 нафар абитуриент тест синовларида иштирок этиши белгиланган эди. Шундан:

• 33 051 нафар абитуриент тест синовларида иштирок этди;
• 687 нафар абитуриент турли сабабларга кўра тест синовларига келмади;
• 2 нафар абитуриент тартиб-қоидаларни бузганлиги сабабли ҳудудга кириш жойида тест синовларидан четлаштирилди;
• 18 нафар абитуриент тест синовлари вақтида тартиб-қоидаларни бузганлиги сабабли тест синовларидан четлаштирилди.

Сирдарё вилоятида тест синовлари 10 август куни якунланди.

Қолган ҳудудларда тест синовлари давом этмоқда.