Қозоғистондаги ЙТҲда 3 нафар ўзбекистонлик вафот этди
@SirdaryoЎзбекистоннинг Олмаота шаҳридаги Бош консулхонаси берган маълумотга кўра, 2019 йил 2 август Қозоғистоннинг Туркистон вилоятида Олмаота-Тошкент-Термиз автотрассасида йўл-транспорт ҳодисаси рўй берган. Унда 4 киши, жумладан 2 нафар йўловчи – Ўзбекистон фуқаролари Ф.Т. ва Д.А. воқеа жойида ҳалок бўлган.
xabar.uz'нинг хабар беришича, учинчи ўзбекистонлик Р.Ж. олган жароҳатларидан Чимкент шаҳар шифохонасида вафот этди.
ЙТҲ бўйича жиноий иш очилиб, тергов олиб борилмоқда.
Бош консулхона вазиятни назоратга олгани ва марҳумларнинг жасадларини ватанга юбориш бўйича уларнинг оила аъзоларига консуллик-ҳуқуқий ва ташкилий масалаларни ҳал қилишда ёрдам кўрсатаётгани айтилмоқда.