Иссиқда салқинланаман деб шамоллаб қолманг!
@SirdaryoЖазирамада ҳамманинг кўнгли яхна нарсаларни тусаб қолади: муздек газли сув, музқаймоқ, хонада ёки машинада кондиционерни ёқиш.
Бироқ маслаҳатимиз, бундай қилманг!
Ахир шамоллаб қолишингиз мумкин. Сиз, яхшиси, яхна ичимликларни оз-оздан қултумлаб ичинг, ютишдан олдин оғизда бир неча сония сақланг. Чунки оғиз шиллиқ қаватини кескин совитиш унинг иммунитетини пасайтиради.
Кондиционерга келсак, хонадаги ҳаво ҳарорати 3-4 даража пастроқ (кўчадагига нисбатан) бўлса кифоя. Агар хона ёки салонда жазирама ва димликдан нафас олиб бўлмай қолса, дастлаб тез совитиш тизимига ўтиб, кейин албатта тавсия этилган ҳароратга ўтинг.