Гулистон шаҳар халқ таълими бўлими тасарруфидаги барча умумий ўрта таълим муассасаларининг микро ҳудудлари тасдиқланади
@SirdaryoГулистон шаҳар ҳокимининг "Сирдарё вилояти Гулистон шаҳар халқ таълими бўлимига қарашли умумий ўрта таълим мактабларининг микро ҳудудларини тасдиқлаш тўғрисида"ги қарор лойиҳаси норматив-ҳуқуқий ҳужжатлар лойиҳалари муҳокамаси порталига жойлаштирилди.
https://regulation.gov.uz/uz/document/5816
Мазкур қарор лойиҳаси қуйидаги шаклда баён этилган:
Ўзбекистон Республикаси Президентининг “Умумий ўрта, ўрта махсус ва касб-ҳунар таълим тизимини тубдан такомиллаштириш чора-тадбирлари тўғрисида”ги 2018 йил 25 январдаги ПФ-5313-сон Фармони ва “Халқ таълими тизимига бошқарувнинг янги тамойилларини жорий этиш чора-тадбирлари тўғрисида”ги 2018 йил 5 сентябрдаги ПҚ 3931-сон қарори ҳамда Ўзбекистон Республикаси Халқ таълими Вазирлигининг 2019 йил 27 февралдаги Умумий ўрта таълим муассасасининг намунавий Уставини тасдиқлаш тўғрисида”ги 72-сонли буйруғида белгиланган вазифалар ижросини таъминлаш, умумтаълим муассасалари фаолиятини ташкил этиш бўйича норматив-ҳуқуқий хужжатларни такомиллаштириш, таълим муассасасига ўқувчиларни тўлиқ қамраб олиш, мактаб ёшдаги ўқувчиларни таълимдан четда қолишини олдини олиш мақсадида, шаҳар ҳалқ таълими бўлимининг 2019 йил 26 июлдаги 01-06/645-сонли хатини инобатга олиб, 1993 йил 11 сентябрдаги Ўзбекистон Республикаси “Маҳаллий давлат ҳокимияти тўғрисида”ги Қонуннинг 6, 25-моддаларига асосланиб қарор қиламан:
1. Ўзбекистон Республикаси Президентининг “Умумий ўрта, ўрта махсус ва касб-ҳунар таълим тизимини тубдан такомиллаштириш чора-тадбирлари тўғрисида”ги 2018 йил 25 январдаги ПФ-5313-сон Фармони ва “Халқ таълими тизимига бошқарувнинг янги тамойилларини жорий этиш чора-тадбирлари тўғрисида”ги 2018 йил 5 сентябрдаги ПҚ-3931-сон қарори ҳамда Ўзбекистон Республикаси Халқ таълими Вазирлигининг 2019 йил 27 февралдаги Умумий ўрта таълим муассасасининг намунавий Уставини тасдиқлаш тўғрисида”ги 72-сонли буйруғи раҳбарлик ва ижро учун қабул қилинсин.
2. Шаҳар халқ таълими бўлимининг 2019 йил 26 июлдаги 01-06/645-сонли хатини қаноатлантирилсин.
3. Шаҳар халқ таълими бўлими тасарруфидаги барча умумий ўрта таълим муассасаларининг микро ҳудудлари 1-иловага мувофиқ тасдиқлансин.
4. Шаҳар халқ таълими бўлими мудири (Ш.Хусанов)га;
-микро ҳудуд бўйича тасдиқланган қарорни умумий ўрта таълим мактабларига ўз вақтида етказиш.
-мактаб ёшдаги ўқувчиларни таълимга жалб қилиш мазкур қарор иловасига асосан назоратга олиш вазифалари юклатилсин.
5. Мазкур қарорнинг ижросини назорат қилиш шаҳар ҳокими ўринбосари Л.Ахмедов зиммасига юклатилсин.
Шаҳар ҳокими Т.Дадабаев