Мирзаободлик алимент тўламаган икки нафар ота 15 кунга қамалди

Мажбурий ижро бюроси Мирзаобод туман бўлими томонидан алимент тўловларини ўз вақтида амалга оширмаётган фуқароларнинг ижро ҳужжатларини маъмурий судларга тақдим этиш жараёнлари давом этмоқда.

Фуқаролик ишлар бўйича Гулистон туманлараро судининг қарорига асосан фуқаро Худойшукур Жўрақулов 1 нафар фарзанди учун алимент тўлаши лозим. Ўз мажбуриятини унутган отанинг алиментдан қарздорлиги эса жами 4 млн 022 минг сўмни ташкил этади. Расман огоҳлантиришларга қарамай алимент пулларини тўлашдан бўйин товлаган ушбу ота ҳам 15 суткага қамалди.

Мирзаободлик яна бир фуқаро бугунги кунга кадар фарзандига тўланиши лозим алимент тўловларини амалга оширмаган. Тўловни оширмаслик сабаби сўралганда қарздор турли баҳоналарни рўкач қилди. Аммо келтирилган важлари ўринсиз, бўлиб унинг қарздорлиги 2 645 000 сўмга етган. Шу боис ҳам Ҳусниддин Мухитдиновга ҳам суд қарори билан 15 сутка қамоқ жазоси берилди.

Мажбурий ижро бюроси Сирдарё вилоят бошқармаси