“Халқпарвар ёҳуд ўз фойдасини кўзлаган кимса”

Кеча ижтимоий тармоқларда яъни «YouTube» каналига Носиров Шарофнинг бир видеосига кўзим тушган эди. Ушбу видеосида бу кимса ўзини жабр дийда қилиб кўрсатиб, давлат органларига масала қўймоқда. Нима эмиш! Унга давлат органлари 750 минг сўмлик ҳайрия маблағларини кимга тарқатган бўлишса шуларнинг рўйхатини беришар экан, у эса рўйхатни кўриб чиқиб, ким кам таъминлангану, ким кам таъминланмаганлигини айтиб берар экан. Эй менга қара ақлли Носиров Шароф ҳар нимани бир нима деб, бизни бутун дунёга шарманда қилмасдан аввал ўрганиш керак, кам таъминланганлар ким? Кимлар у тоифага киради? Унинг белгиланган параметрлари бордир? Ким олиш олмаслигини кўриб бериш сенга қолибдими.

Видеони кўриб, яна бир нарсани аниқ тушундим, бу Носиров Шароф дегани ўзининг биринчи чиқишида, мени икки кундан кейин ИИБ ҳодимлари олиб кетишади деб аниқ айтган эди. Савол туғилади, нега у аниқ ишонч билан айтган? Демак, ҳатти-ҳаракатлари билан Давлатимиз имиджига путур етказаётганини аниқ билатуриб шу ишни қилган.

Эй номард шунчалик вақтинг кўп экан, вақтингдан унумли фойдалансанг бўлмайдими. Сартарошлик касбинг бор экан,нега ёшларни ёнингга олиб, ҳунар ўргатмайсан. Бунинг ўрнига эса турмуш ўртоғининг пул топиш учун Тошкент шаҳридаги умумий овқатланиш масканлари, цех ва корхоналарга ишга жўнатиб юборасан. Эркак бўлсанг хотининг қўлига қарайсанми. Ундан кўра ишлаб, оиланг ва халқинг учун фойданг тексин.

Ақалли давлатимизга, халқимизга, шу орқали ўз ватанпарварлигингни кўрсат. Бир мулоҳоза қилиб ўйлаб кўр, қаерда йўқ ғийбат ва бўҳтонлар билан чиқиб, Давлатимиз томонидан амалга оширилаётган улкан ва кенг кўламли ижобий ишларни йўққа чиқармаяпманми, бошқаларда салбий фикрлар шакллантириб қўймаяпманми деб.

Олдинги муносабатимда ёзганимдек бошқаларга ўрнак қилиб, бу кабиларни албатта жазолаш керак. Бир нарса аниқ “еб тўймаган ялаб тўярмиди”.

Шуни алоҳида таъкидлаб ўтишим лозимки, Носиров Шарофнинг хонадони республикамизнинг Бухоро вилоятидан ҳашарга келган қурувчилар томонидан таъмирлаб берилди. Бундан ташқари эса, унга давлатимиз раҳбари ташаббуси билан 40 млн. сўм пул маблағи ва маиший технкика учун сертификат берилган. Лекин бу ношукур кимса, шунча эътибор ва ғамхўрликлардан кейин ҳам ҳукуматимиз томонидан Сардоба сув тошқинидан талофат кўрган ҳамда кам таъминланган оилаларга кўрсатилаётган ёрдамларни эътироф этиш ўрнига, юртимизни халқаро ҳамжамият орасида обрўсизлантиришга қаратилган видероликлар тайёрлаб, «YouTube» каналига жойлаштириш билан шуғулланиб келмоқда.

Биламан бу каби роликларни жуда кўпчилик кўради аммо, бир нарсани айтишим лозим, ижтимоий тармоқларда, айниқса нохолис ахборот тарқатувчи  «YouTube»каналида тарқалаётган ҳар хил уйдирма хабарларга ишонманг. Бу инсонлар халқ олдида ўзини “Робин Гуд” каби қаҳрамон қилиб кўрсатиш орқали сохта обрў-эътибор ортиришга ҳаракат қилишади. Уларнинг асл замирада эса авваламбор ўзларининг муаммоларини ҳал қилиш орқали моддий манфаатдорлик эга бўлиш ётади.

Бу инсонни қўллаб-қувватлаб, унинг фикрларига қўшилгандан кўра, юртимиз ва халқимиз учун фойдалини ишларни бажарайлик. Юртимизда амалга оширилаётган ислоҳотлар қўллаб-қувватлаган ҳолда ҳамжиҳатлик билан халқимизга, айниқса кам таъминланган оилаларга қўлдан келганча ёрдам кўрсатайлик.

Сирдарёлик Ҳожиакбар Мўминов