Узоқ йиллар Гулистон шаҳар телекоммуникация боғламаси бошлиғи лавозимида ишлаган, “Меҳнат шухрати” ордени соҳиби, бугунги кунда кўплаб алоқа соҳасида фаолият юритаётган раҳбар ва мутахассисларнинг устози ҳисобланган Камилов Бафо Аюпович вафот этди.
@Sirdaryo
Камилов Бафо Аюпович, 1944 йил 2-ноябрда Сирдарё вилояти, Гулистон шаҳрида туғилган, 1970 йилда Тошкент электротехника алоқа институтини тамомлаган. Узоқ йиллар давомида “Ўзбектелеком” акциядорлик компанияси Сирдарё филиали Гулистон шаҳар телекоммуникация боғламаси бошлиғи ва турли раҳбарлик лавозимларида фаолият юритган.
Б.Камилов - Сирдарё вилоятида алоқа ва телекоммуникация соҳасининг ривожланишида муносиб ҳисса қўшган маҳоратли алоқачи, шогирдларининг меҳрибон устози ҳисобланган.
МЕҲНАТ ФАОЛИЯТИ
1963-1963 йй. - Сирдарё вилояти “Ватанпарвар” авиация флоти мудофаасига кўмаклашувчи харбийга тайёрлов курси инструктори
1963-1965 йй. - Сирдарё вилояти алоқа бошқармаси қишлоқларни радиолаштириш ва телефонлаштириш бўйича 4-тоифали электромонтёр
1965-1970 йй. - Тошкент электротехника алоқа институти талабаси
1970-1971 йй. - Сирдарё электр алоқа тармоқлари корхонаси Гулистон шаҳар электр алоқа тармоғи бош муҳандиси
1971-1971 йй. - Сирдарё электр алоқа тармоқлари корхонаси Гулистон шаҳар электр алоқа тармоғи бош муҳандис вазифасини вақтинча бажарувчиси
1971-1988 йй. - Сирдарё вилояти техника ишлаб чиқариш алоқа бошқармаси бош муҳандиси
1988-1992 йй. - Сирдарё электр алоқа тармоқлари корхонаси Гулистон телефон станцияси ва радиофикация цехи бошлиғи
1992-1994 йй - Сирдарё вилоят давлат электр алоқа ишлаб чиқариш корхонаси бош муҳандиси
1994-1995 йй. - Сирдарё вилоят давлат электр алоқа ишлаб чиқариш корхонаси Гулистон шаҳар алоқа боғламаси халқаро телефон ва телеграф станцияси бошлиғи
1995-1997 йй. - Сирдарё вилоят давлат электр алоқа ишлаб чиқариш корхонаси Гулистон шаҳар алоқа боғламаси бош муҳандиси
1997-2001 йй. - Очиқ турдаги “Сирдарё Телеком” ҳиссадорлик жамияти Гулистон шаҳар алоқа боғламаси директор вазифасини вақтинча бажарувчиси
2001-2002 йй. - “Ўзбектелеком” акциядорлик жамияти “Сирдарё Телеком” филиали директор муовини
2002-2017 йй. - “Ўзбектелеком” акциядорлик жамияти “Сирдарё Телеком” филиали Гулистон шаҳар телекоммуникация боғламаси бошлиғи
2011-2017 йй. - “Ўзбектелеком” акциядорлик компанияси Сирдарё филиали Гулистон шаҳар телекоммуникация боғламаси бошлиғи
2017 й. - х.в. - “Ўзбектелеком” акциядорлик компанияси Сирдарё филиали Гулистон шаҳар телекоммуникация боғламаси Техник паспортлаштириш гуруҳи олий тоифали муҳандиси лавозимида ишлаган.
«Sirdaryo Xabarlari» телеграм канали ижодий жамоаси марҳумнинг оила аъзоларига чуқур таъзия билдиради.