Испаниялик олимлар коронавирусни тўхтатувчи оғиз спрейи устида ишламоқда
@Sirdaryo
Испания Илмий Изланишлар Олий Кенгаши мутахассисларининг таъкидлашича, агар одам вирусни аллақачон юқтирган бўлса ҳам, cпрейни қўллаш, яъни оғиз бўшлиғини чайиш «инфекциянинг оғирлигини камайтиришга» ёрдам беради, деб ёзади "Халқ Сўзи Online" нашри.
Аниқроғи, вирусга қарши спрей муваффақиятли чиқса, коронавирус инфекциясининг тарқалишини тўхтатиш мумкин бўлади. Бу ҳақда агентлик веб-сайтида айтилган.
Олимларнинг ғоясига кўра, спрей «биомолекулаларни (полисахаридлар) коронавирус бирикадиган ҳужайра юзасини имитация қилиш учун фойдаланади ва шу билан уни ушлаб олиб, инфекцияни тўхтата олади». «Ҳозир инфекция оғиз бўшлиғи ва томоқдан бошланади, дея ишонилади, шунинг учун бу молекулаларга асосланган спрей таркиби киритилгандан кейин тўсиқни келтириб чиқаради ва вирусли заррачаларни ушлаб олади ва бу эса уларнинг инфекциялаш хусусиятини йўқотади», дейилади хабарда.
Кенгашдагиларнинг фикрича, гарчи инсон касалликни аллақачон юқтириб олган бўлса ҳам, спрей «инфекциянинг оғирлигини камайтиришга» ёрдам бериши мумкин экан.
Коронавирус Испанияда тарқалишни бошлагандан бери 285 мингдан ортиқ касаллик ҳолати аниқланди, 28,4 мингдан ортиқ бемор вафот этди. Март ўрталарида мамлакатда юқори огоҳлантириш режими жорий этилди ва у 21 июнда тугатилди.