Кексаларни қадрлаш-инсоний бурчимиз

Ёш авлод турмуш синовларида тобланиб, катта ҳаётий тажрибага эга бўлган, теран ақлли, тақволи, улуғ кишилар кўмаги ва маслаҳатига доим эҳтиёж сезади. Меҳнатсе­вар, ҳалол-пок, диёнатли, эл иши учун фидойи инсон бўлиб улғайишни истаган ҳар бир ўғил-қиз кексалар ҳаётий тажрибасидан албатта фой­даланиши лозим. Шунинг учун орамизда катталарнинг борлиги улуғ неъматдир. Инсон ҳаёти мевали дарахтга қиёс этилади. Чунки дарахт бир мавсумнинг ўзида куртаклар тугади, гул­лай­ди, кўпдан-кўп мевалар қилади. Кексалик эса худ­ди мевалари пишган боққа ўхшайди.
Кексаларга ҳурмат халқимизнинг азалий ибратли қад­риятларидан ҳисобланади. Ҳукуматимиз сўнгги йил­ла­рида қарияларни улуғлаш борасида бир талай хайрли иш­ларни амалга оширди. Ушбу хайрли ишларни давомий сақлаб қолиш мақсадида туманимиз ҳокими, 1-сектор раҳбари Камолов Учқун Ибрагимовичнинг ташаббуслари билан "Қурбон ҳайити" байрами муносабати билан туманимиздаги энг кекса ёшли отахон ва онахонларимизнинг ҳолидан хабар олинди ва уларга муносиб байрам совғалари ва хадялар берилди.

Қарияларни эъзозлашга динимизда алоҳида эъти­бор берилган. Имон-эътиқодли, ихлосли ва ну­ро­ний кек­са­ларнинг фазилатларини билиш ҳамда улар­нинг ҳақ­ла­рини адо этиш бошқалар учун вожибдир. Бун­дай хайрли ишлар Пайғамбаримизнинг (сол­лаллоҳу алай­ҳи ва саллам) суннатларига мувофиқдир. У зот ки­ши­ларга кексаларнинг фазилатларини бил­ди­риб, улар­нинг ҳақларига риоя этишни шарт қилганлар.
Динимизда доимо инсонларни бир-бирига яхшилик қилишга буюради. Хусусан, гўдаклар, аёллар ва кексаларга янада кўпроқ эътибор қаратишга чақиради. Кексаларнинг борлиги улкан бахтдир. Уларнинг дуолари туфайли Аллоҳ бизларни турли офатлардан сақлайди. Пайғамбаримиз САВ шундай деганлар: “Агар ораларингизда мункиллаган қариялар, ўтлаб юрган жонзотлар ва эмизикли чақалоқлар бўлмаганда эди, бошингизга балолар оқиб келарди.”

"Қадрлаш ўзликни англаш демакдир. Бу сўз замирида имон бутлиги, одоб-ахлоқ, аждодлар мероси, шунингдек, атрофимиздаги инсонларга чуқур ҳурмат мужассам" Ховос тумани ҳокими У.Камолов.

Ховос тумани ҳокимлиги ахборот хизмати