Қулаётган Пиза минорасини тикламоқчи бўлган ўзбеклар қўлга олинди
Sirdaryo Xabarlari
Ўзбекистонлик 15 қурувчи кеча тунда Италиянинг машҳур диққатга сазовор жойи Пиза минорасини тиклашга уринаётган чоғда қўлга олинди. Бу ҳақда “Sof.uz” хабар берди.
Уларни қўлга олиш чоғида маълум бўлишича, касби қурувчи бўлган ўзбекистонликлар Италияга Москва вилоятидаги қурилиш объектини топшириб, дам олгани Италияга келган. Туш пайти улар Флоренцияга ташриф буюришган. Тунда эса ижарага олинган кичик автобусда Неаполь томон йўл олган. Йўлда тўхтаган вақтда йўловчилардан бири қулаётган бинони кўрган ва ёрдамга ошиққан.
Xабарга аниқлик киритиш учун Ташқи ишлар вазирлиги матбуот хизмати билан боғланилди. ТИВ матбуот хизмати қўлга олинган ўзбекистонлик қурувчилар ҳақида расмий маълумотга эга эмаслигини маълум қилди.