БОШ ВАЗИР ЎРИНБОСАРИ, ХОТИН-ҚИЗЛАР ҚЎМИТАСИ РАИСИ Э.БАСИТХАНОВА СИРДАРЁГА ТАШРИФ БУЮРДИ
@Sirdaryo
Элмира Эркиновна Баситханованинг ташрифи Сирдарё туманидан бошланди. Эрта тонгдан туманга ташриф буюрган юқори мартабали меҳмон туман хотин-қизлари фаолияти билан танишди. Сўнгра Гулистон шаҳар "Ёшлар маркази" да вилоят аёллари билан учрашув бўлиб ўтди.
Тадбир аввалида ижтимоий ҳимояга муҳтож бўлган аёлларга 42 та ногиронлик аравачаси, 20 та эшитиш мосламаси, 20 та бошқа турдаги реабилитация воситалари топширилди. Республика хотин-қизлар қўмитаси раиси якин ўтмиш кунларимизда бирон аёлга ёрдам бериш учун маблағ масаласи қийин бўлганлигини айтиб ўтди. Мана эндиликда хотин - қизларни қўллаб- қувватлаш жамоат фонди ҳисобидан ногиронлиги бор бўлган аёлларга, тадбиркорликни эндигина бошлаган , ёки ижтимоий ҳимояга муҳтож аёлларга ёрдам кўрсатиб келиняпти.
- Бу ҳам бўлса хотин- қизларнинг қўллаб- қувватлаш давлат сиёсати даражасига кўтарилганлигини билдиради. Ўзбекистон Республикаси Президентининг Олий Мажлис Сенати йигирманчи ялпи мажлисидаги хотин - қизлар қўмиталари фаолиятига йўналтирилган топшириқлари мазмунидан келиб чиқадиган бўлсак, жойларда бу борадаги ишлар кўнгилдагидек эмас, - деди Э.Баситханова. - Хотин- қизларнинг бошланғич ташкилотларидан бошлаб ўз кун тартибини ўзгартириши кераклиги, биринчи навбатда ҳамкор ташкилотлар билан биргаликда оилаларга бориб, мавжуд камчиликлар ўрганиб чиқилиши лозим.
"Аёллар маслаҳатхонаси" ва "Қизлар саломатлиги" маркази фаолиятини янада жонлантириш чора тадбирлари тавсия этилди.Ойдин йўл
Э.Э.Баситханова вилоят “Оила” илмий–амалий маркази биносининг очилиш маросимида иштирок этди.
Сўнгра вилоят ҳокимлигининг кичик мажлислар залида республика хотин-қизлар етакчиси Зулфия номидаги Давлат мукофотига номзодлар билан учрашиб, суҳбатлашди.