Велосипедда Орол сари йўлга чиққан Сирдарёлик Абдурасул ота Нукус йўлига чиқди
@Sirdaryo
Аввал хабар берганимиздек, Сирдарёлик Абдурасул отанинг велосипедда Орол сари йўлга чиққанига роппа-роса бир хафта вақт бўлибди. Бу бир хафта ичида 69 ёшли отахон қариийб 600 кмга яқин масофани босиб ўтиб рекорд натижани қайд этмоқда. Куни кеча олган маълумотларимизга қараганда, тиниб-тинчимас отахон Бухоро вилояти Ромитан тумани Пой жўй қишлоғида эканлигини маълум қилди. Бу хабарни эшитишимиз биланоқ, Бухородаги партиядошларимизга қўнғироқ қилдик. Улар отахон билан учрашиб бир кеча Бухорода мехмон сифатида олиб қолишди. Халқимиз орасида бежизга “мехмон отангдан улуғ” деган пурмаъно нақл айтилмаган. Ўзбекистон “Адолат” СДП (социал-демократик партияси) ҳам албатта, бу каби халқона сўзларга амал қилади.
Бугунги олинган маълумотларга кўра эса, эпчил ва чапдаст нуроний отахон аллақачон, Бухородан чиқиб Нукусга олиб борадиган катта магистрал йўлига чиқиб олган экан. Биз нима бўлганда ҳам шижоат ва ғайрати жўш урган Абдурасул отага кўзлаган манзилига эсон-омон етиб олишининг тилакдошимиз. Орол сари олға, отахон!
Эслатма: янгиликларни кузатишда давом этинг. Биз сизларга Абдурасул отанинг саёҳати ҳақида энг сўнги янгиликларни туҳфа этиб борамиз.
Меҳринисо БОБОНАЗАРОВА,
Ўзбекистон “Адолат” СДП Сирдарё вилоят Кенгаши матбуот котиби