Расман: Ўзбекистонда Қурбон ҳайити 31 июлда нишонланади — Президент қарори

Qalampir.uz'нинг ёзишича, Ўзбекистон Республикаси Президенти Шавкат Мирзиёев «Қурбон ҳайитини нишонлаш тўғрисида»ги қарорни имзолади.

Унга кўра, Ўзбекистон мусулмонлари идорасининг 2020 йилда Қурбон ҳайитининг биринчи куни 31 июль – жума кунига тўғри келиши ҳақида қабул қилган қарорини инобатга олиб, мамлакатимизда 2020 йил 31 июль Қурбон ҳайити байрами сифатида кенг нишонланади.

Маҳаллий ҳокимликлар ва тегишли ташкилотлар Қурбон ҳайитининг карантин талабларига риоя қилган ҳолда, халқимизнинг миллий ва диний анъаналарига мос равишда ўтиши учун тегишли чора-тадбирларни амалга оширади.

Аввалроқ, Ўзбекистон мусулмонлари идораси Қурбон ҳайитининг биринчи куни 31 июлга тўғри келаётганини маълум қилганди.

Эслатиб ўтамиз, Ўзбекистонда Рамазон ҳайити жорий йилнинг 24 май куни нишонланганди.