Юқори тезликнинг оқибатида Гулистонда ҳайдовчи вафот этди — 2 нафар йўловчилар эса «реанимация»га ётқизилди (фото)
@Sirdaryo
2020 йил 23 июль куни соат 19:30 ларда М-34 йўлининг "Тошкент-Термиз" йўналиши 111-км.да ҳайдовчи К.З. ўз бошқарувидаги "SINOTRUK HOWO" юк автомашинасида қайрилиб олиш жойида қайрилиш маневрини амалга ошираётган вақтида шу йўналишда орқадан катта тезликда келаётган ҳайдовчи Қ.Ғ. бошқарувидаги Нексия-1 русумли автомашинасини тўхтатиб қолаолмасдан юк машинасининг орқа қисмига келиб урилиб ЙТҲ содир этган.
Натижада Нексия-1 русумли автомашина ҳайдовчиси шифохонага олиб кетилаётган вақтида вафот этди. Нексия автомашинаси 2 нафар йўловчилари эса тан жароҳатлари билан шифохонанинг жонлантириш бўлимига ётқизилди.
Ҳолат юзасидан Сирдарё вилояти ИИБ Тергов Департаменти томонидан терговолди суриштирув ишлари олиб борилмоқда.
Сирдарё вилояти ИИБ ЙҲХБ Ахборот хизмати