Яна бир коронавирусга чалинган беморнинг вафот этганлиги айтилмоқда. У сирдарёлик бўлган

Фаол кузатувчиларимиз томонидан @SirdaryoBOT орқали келиб тушган хабарлардан бири, бу коронавирусга чалинган беморнинг вафот этганлиги билан боғлиқ. Эътиборлиси ушбу вафот этган бемор сирдарёлик бўлган.

"Сардоба тумани "Бахмал" ҳудудида истиқомат қилувчи ушбу касаллик (коронавирус) билан оғриган (эркак) бемор, куни кеча 22 июль куни вафот этди", - дейилади бизга келиб тушган хабарда. Исмининг сир сақланишини илтимос қилиб хабар йўллаган кузатувчимизнинг бизга маълум қилишича, ушбу вафот этган беморни куни кеча 22 июль куни ДСЭНМ ходимлари иштирокида сўнгги манзилга кузатишган.

"Бемор 2-3 хафтадан буён Тошкентда ёки Гулистонда даволанаётган эди. Куни кеча уни (Тошкентдан ёки Гулистондан) олиб келишди ва ДСЭНМ ходимлари иштирокида сўнгги манзилга кузатишди. У халқпарвар ва кўп меҳрибон инсон эди", - дейилади хабарда.

Маълумот ўрнида, мазкур ҳолат Соғлиқни сақлаш вазирлиги томонидан ҳали тасдиқланмаган. Расмийлардан ушбу хабар юзасидан изоҳ кутиб қоламиз.