Сурхондарёда “ЗИЛ-130” русумли юк автомобили ва унга ортилган сомон ёниб кетди
@Sirdaryo
2019 йилнинг 22 июль куни соат 17:40 да Сурхондарё вилояти Бойсун тумани Бибиширин маҳалласининг ички йўлида ҳаракатланиб кетаётган “ЗИЛ-130” русумли юк автомобилида ёнғин содир бўлаётганлиги ҳақида ёнғин-қутқарув хизматига хабар келиб тушган.
Ўзбекистон Республикаси ФВВ ЁХББ ОАВ билан ҳамкорлик қилиш бўлинмасининг хабар беришича, воқеа жойига 2 та ёнғин ўчириш бўлинмалари юборилган. Бўлинмаларнинг тезкор ҳаракатлари натижасида ёнғин бартараф этилган. Ёнғин оқибатида юк автомобилининг борт қисми ва орқа шиналари ҳамда устига ортилган сомон пресслари ёниб зарарланган. Ёнғиннинг тахминий келиб чиқиш сабаби юк автомобилига ортилган сомон прессларининг устки қисми йўлдан ўтган электр симига тегишидан ҳосил бўлган қисқа туташув натижасида. Моддий зарар миқдори аниқланмоқда.