КУНДАГА БОШ ҚЎЙГАНЛАР
@Sirdaryo
Бу расмларни кўриб, кўзимга ёш келади. Суратларда халкнинг ўз Ватанига муҳаббатини кўриш мумкин. Турк халкининг турк халкига муҳаббатини, аҳиллигини, бирлигини, бир бирига эҳтиромини кўриш мумкин. Халқнинг ўз Ватанини сақлаб қолиш учун, ўз халқининг эркинлигини, озодлигини, ўзлигини сақлаб қолиш учун кўрсатган қаҳрамонлигини, жасоратини кўриш мумкин. Худди бола олов ичида қолган онасини қутқариш учун ўзини олов ичига ургандек, худди йиртқич шер оғзидаги гўдагини қутқариш учун шерга ташланган онадек. Худди сувга чўкаётган инсон яшаб қолишни истаб, сув билан курашганидек, нажот истаб бақирганидек, ўзида куч топиб қирғоққа интилганидек ва бутун жон жаҳди билан ўлимдан қочишни истаганидек, танида мадори қолмасада ирода кучи билан қирғоққа етиб келганидек, бутун халқ жасорат ва қаҳрамонлик кўрсатганини ушбу фотоларда кўриш мумкин, кўриб кўзингизга ёш келади.
Илоҳо, Туркия халқи омон бўлсин! Биз Фатҳулло Гуленчиларни бундан ўн йиллар олдин Ватанимиздан бадарға қилиб, бу террористларни илдиз –пилдизи билан қўпориб ташлаган эдик. 2016 йил 15 июлда маълум бўлдики, улар бизнинг Ватанимизда ҳам мана шундай давлат тўнтариши тайёрлашаётган экан. Уларнинг ёвуз ниятлари амалга ошмади. Олиб келмоқчи бўлган балолари ўзига урди. Туркия халқи уларнинг иблисона кирдикорларини кечроқ англади. 251 инсон шаҳид бўлди, 2000 дан ортиқ инсон жароҳат олди ва ҳали ҳануз хастахоналарда даволанишмоқда. Йўқотишлар эвазига бўлсада, Туркия халқи Туркияни сақлаб қолди. Туркиянинг бутунлигини, эркини, иродасини, Туркиянинг халқ сифатидаги обрўсини сақлаб қолди. Туркия халқи Туркияга муҳаббат кўргазиб, Туркия Конститутсиясини, Туркия байроғини, Туркия Мадҳиясини, Туркия Президентини сақлаб қолди. Туркия Туркия бўлиб сақланиб қолишида Президент Ражаб Тойиб Эрдоғаннинг жасорати, матонати, қаҳрамонлиги катта бўлди. Унинг буюклиги Туркиянинг Туркия бўлиб сақланиб қолишида катта роль ўйнади. Халқнинг унга бўлган юксак муҳаббати Туркияни Туркия сифатида сақланиб қолишида муҳим аҳамиятга эга бўлди. Ражаб Тойиб Эрдоған Туркиянинг тимсолига айланганини, турк халқи орзу қилган қаҳрамонга айланганини, Туркиянинг муносиб сардори эканлигини ўша кунлар яққол кўрсатди. Ўзбек халқининг муносиб дўсти Ражаб Тойиб Эрдоған омон бўлсин ва 15 июль воқеалари ҳечқачон қайтарилмасин! Икки буюк халқ дўстлиги абадий бўлсин!