Янгиерда бугун карантин қоидаларига амал қилмаган 60 нафар фуқароларга нисбатан 13 млн. 380000 сўмлик маъмурий жарималар расмийлаштирилди 

Бу ҳақда вилоят ҳокимлиги ёшлар сиёсати, ижтимоий ривожлантириш, маънавий-маърифий масалалар котибияти ахборот маркази томонидан Sirdaryo Xabarlari'га тақдим қилинган "Янгиер шаҳрида карантин даврида амалга оширилаётган ишлар тўғрисида"ги 13 июль кунги маълумотида қуйидаги кўринишда баён этилган:

13 июль куни Янгиер шаҳар ҳокимлиги, тиббиёт бирлашмаси, ИИБ, ФВБ, СЭОМ, Миллий гвардия ҳамкорлигида шаҳарнинг 8 та “Обод юрт”, “Бинокор”, “А.Жомий”, “Маърифат”, “Шодлик”, “Бобур”, “Наврўзобод”, “Т.Малик маҳалла фуқаролар йиғинлари ҳудудида барча куч воситаларни жалб этган ҳолда карантин қоидаларига амал қилиш ҳолати ўрганилди.

Ушбу тадбирларга 18 нафар шифокорлар ва 89 нафар патронаж хамширалари, 18 нафар СЭОМ ходимлари (дезинфекцияловчи), 25 нафар Фавқулодда вазиятлар бўлими ходимлари, 35 нафар Ички ишлар ва 12 нафар Миллий гвардия ходимлари, 1 та махсус дезинфекцияловчи техника, 3 та патруль автомашинаси жалб этилди.  

Ўтказилган тадбирлар давомида шаҳар бўйича 20 та хонадонда яшовчи 72 нафар аҳоли қамраб олиниб, фуқаролар билан тушунтириш ва тарғибот ишлари олиб борилди. Ўтказилган ўрганишлар давомида уйда тана ҳарорати юқори бўлган фуқаролар аниқланмади.

Карантин қоидаларига амал қилмаган 60 нафар фуқароларга 13 млн. 380000 сўмлик маъмурий жарималар расмийлаштирилди. 

Шунингдек, ДСЭНБ Янгиер филиали томонидан 6 та тадбиркорлик субъектларида рейд ўтказилди ва ўз фаолиятларини карантин қоидаларига тўлиқ амал қилган ҳолда ташкил этиш бўйича расмий огохлантирилди.

Ҳозирда шаҳар бўйича 2 та объект карантинга олинган, уй шароитида кузатувдагилар 63 та оила, 298 нафар шахс, стационар кузатувдагилар 298 нафар шахс каратинга олинган.