LIVE: Ғаллакорларнинг меҳнат зафарларига бағишланган байрам шодиёналари қизғин давом этмоқда.
@SirdaryoБошланиши: LIVE: Гулистон шаҳридаги Тўра Сулаймон номидаги амфитеатрда вилоят ғаллакорларининг меҳнат зафарларига бағишланган байрам тадбирлари бўлиб ўтмоқда.
Вилоят ҳокими Ғофуржон Мирзаев ўз табригида ғаллакорларн, фермерлар, комбайнчилар, дон ташиган ҳайдовчилар ва "олтин бошоқ" хирмонига хисса қўшган барчани муносиб такдирлангани ҳақида сўзлади. Бу ҳақда тадбир жараёнларида иштирок этаётган "Ойдин йўл" газетасидан хабар берилмоқда.
Ғолибларга 2,5 млрд сўмлик қимматбахо автомашиналар тақдим этилади. Байрамга пойтахтдан энг хушовоз хонандалар таклиф этилган. Байрамни муносиб нишонлаймиз, деди вилоят ҳокими.
Тақдирлаш маросимида: Мирзаобод, Сардоба, Ховос туманлари фермерлар кенгашлари "Жентра" автомобили билан тақдирландилар.
Сайхунобод тумани ҳокимига "Кобальт", Сирдарё тумани ҳокимига "Дамас" автомобиллари совға қилинди.
2-ўринни эгаллаган Боёвут тумани хокимига "Нива", 1-ўринни эгаллаган Оқолтин тумани ҳокимига "Патриот" автомобиллари топширилди.
Тадбирдаги энг қувончли ва таъсирли воқеа - Сирдарё тумани ҳокими совғага берилган "Дамас" ни тумандаги "Аёллар мурувват уйи"га совға қилди. Байрам тадбири ғаллакорлар ғалабасига бағишланган концерт дастури билан давом этмоқда.
Байрам тадбири ғаллакорлар ғалабасига бағишланган концерт дастури билан давом этмоқда.
Ўзбекистонда хизмат кўрсатган артист Наргиза Азимова дилтортар қўшиқларини армуғон этмоқда. Қизиқчи Искандар Ҳамроқулов байрам тадбири меҳмони. Кулги авжида.
Тадбирда шунингдек, хушовоз хонандалар Севинч Мўминова, Шуҳрат Дарё иштирок этишди ва тадбир иштирокчилари кўнгилларини хушнуд этишди.