Туркиялик парапланчи телевизор кўриб диванда парвоз қилди (видео)

Измирлик парапланчи осмонда ўзига қулайлик яратиш учун парапланига диван, торшер ва телевизорни ҳам жойлади, дея хабар берди «Xabar.uz».

29 ёшли Ҳасан Кавал осмонда кичик меҳмонхона яратиш ниятини амалга оширди. У парапланига қизил диван, торшер ва телевизорни ўрнатди. Ҳасаннинг касби — парапландан фойдаланишни ўргатиш. У ҳавода ўзини қушдек енгил ҳис қилади.

HUMO bilan Misrga sayohat qiling! ✈️

Ҳамкасблари мини-меҳмонхонани тоғдан учириб юборишга ёрдамлашворишган холос. Кейин у «Gopro» экшн-камераси ёрдамида парвозини видеога муҳрлади. Кадрларда унинг чипс еб, газ сув ичаётганини, телевизорда мультфильм томоша қилаётганини кўриш мумкин.

Парвоз қандай бошланган бўлса, шундай ажойиб тугади. Ҳасаннинг сўзларига кўра, бу трюк одамлар парапланда парвознинг хавфсизлигига ишонч ҳосил қилиши ва уни ўрганишдан қўрқмаслиги учун тайёрланган.