Сирдарёда «Туронбанк» ва «Ипотека банк» мижозни 20 кун сарсон қилди. Блогер унинг муаммосини бир кунда ижобий ҳал қилиб берди...

Банкирлар ҳаётига оид муҳим хабар ва янгиликлар, ҳамда соҳага оид долзарб муаммоларни ёритувчи "Банкир кундалиги" каналига куни кеча, жорий йилнинг 6 июль куни қуйидаги кўринишда мурожаат келиб тушган:

"Президент фармонига асосан 1 июлдан кредит фоизлари пасайтирилди. Яъни 24% га туширилди. Лекин қайси банкка бормайлик буйруқ ёки тартиби ёки инструкция келмади дейишмоқда. Марказий банк томонидан жўнатиладиган буйруқ ёки тартиби ёки инструкцияси қачон чиқади? Банк расмий web сайтларига кирсам ҳаммасида 24% лик кредит бор, лекин амалда йўқ. Туронбанк ва Ипотека банкка мурожаат қилдим.

HUMO bilan Misrga sayohat qiling! ✈️

Ҳужжат қабул қилмаймиз тўлиқ инструкция келсин деди, Ипотека банк Сирдарё вилояти филиали. Вилоят республикадан, Республика вилоятдан демоқда. Ипотека банк ишонч телефонига қўнғироқ қилгандим, "Сизга боғландади" - дейишганди. Лекин 20 кундан бери боғланишмади.

Турон банк ҳам тартиби келсин чиқариб берамиз дейишди. 24%ни буйруғи келмади, 18 ойлик бўлиб қолиши мумкин дейишди. 5-6 кундан кейин хабар олинг дейишди", - дейилади мазкур мурожаатда.

Мазкур мурожаат ушбу каналда эълон қилинганидан сўнг, бугун 7 июль куни мурожаат бир кунда ижобий ҳал қилингани маълум бўлди.

"Каналимизда эълон қилинган мурожаатни Туронбанк мутасаддилари тезкорлик билан ҳал этишибди", - дея блогер мурожаатнинг ижобий ҳал бўлганлигини маълум қилган.