Сирдарёда касб-ҳунар мактабларига қабул бошланди. Бошқарма томонидан “Call марказ” ҳам ташкил қилинди
@Sirdaryo
Давлат комиссияси мажлисининг 2020 йилдаги 1-сон баёнига мувофиқ 2020 йил 5 июлдан 20 июлга қадар касб-ҳунар мактабларига касб-ҳунар эгаллаш истагида бўлган 9-синф битирувчиларининг ҳужжатлари онлайн қабул қилинади.
2020/2021 ўқув йили учун касб-ҳунар мактабларига 9-синф битирувчиларининг ҳужжатларини қабул қилиш жараёнлари онлайн тарзда kasb.edu.uz электрон платформаси орқали амалга оширилади.
Ўқувчилар ушбу платформа орқали 200дан ортиқ касблардан танлаш имкониятига эга.
9-синф битирувчилари қуйидаги ҳужжатларни топширадилар:
Электрон ариза;
Умумтаълим мактабининг 9-синфни тугатганлигини тасдиқловчи шаҳодатнома (электрон) нусхаси;
3x4 фотосурат.
HUMO bilan Misrga sayohat qiling!
Касб-ҳунар мактабларида қуйидаги ва бошқа турдаги касблар бўйича кадрлар тайёрланади:
тикувчи;
чилангар;
иссиқхона ва парник хўжалиги лаборанти;
автомобилларни таъмирлаш чилангари;
ошпаз;
қандолатчи;
асаларичи.
Касб-ҳунар мактабларининг афзаллиги, бу ерда 2 йил давомида умумтаълим ва мутахассислик фанлари интеграциялашган дастурлари асосида ўқитилади. Ўқувчига ўзи танлаган касб бўйича билим берилади.
Фуқаролар Сирдарё вилояти Касбий таълимни ривожлантириш ва мувофиқлаштириш ҳудудий бошқармасида профессионал таълим муассасаларига қабул жараёнлари бўйича ташкил этилган “Call марказ”га қўнғироқ қилиб, ўзларини қизиқтирган барча саволларга жавоб олишлари мумкин.
Телефон: (+998 67) 225-47-00
Сирдарё вилояти Касбий таълимни ривожлантириш ва мувофиқлаштириш ҳудудий бошқармаси Матбуот хизмати