LG «рулон-смартфон» тайёрламоқда. Қурилма экрани корпусдан тортиб чиқарилади (видео)
@SirdaryoLG компанияси 2021 йилда Project B шартли номи остида дисплейи йиғилган ҳолда корпус ичига яширинадиган смартфонни тақдим этади.
«Дарё»нинг ёзишича, компания ўзининг Жанубий Кореядаги заводида йиғилувчи дисплейга эга смартфон прототипини ишлаб чиқаришни йўлга қўйган. Project B ёрдамида компания премиум ва инновацион смартфонлар ишлаб чиқарувчи мақомини қайтариб олиш ниятида. LG учун мобил телефонлар бизнеси кетма-кет 5 йилдан буён зарар келтирмоқда.
Смартфон «рулон» номини олган бўлиб, унинг дисплейи зарурат туғилганида корпусдан чиқариб олинади. Бунинг учун Хитойнинг BOE компанияси ишлаб чиқарувчи эгилувчан OLED-дисплейидан фойдаланилади.
HUMO bilan Misrga sayohat qiling! ✈️
Манбаларнинг сўзларига кўра, йиғилувчи дисплейга эга смартфонни ишлаб чиқариш, букланувчи экранга эга қурилмани ишлаб чиқаришдан кўра қийинроқ. Дисплей очилганида уни қўллаб-қувватловчи конструкцияни ўйлаб топиш ҳам керак.
Бунга қадар Хитойнинг TCL компанияси прототипларидан бирида шу каби ғояни илгари сурган эди — смартфон одатдаги ҳолатда стандарт кўринишга эга, зарурат туғилганида эса дисплейни ёнга тортиб чиқариш мумкин.
LG’нинг смартфон-рулони 2021 йилга бориб бозорларга пайдо бўлиши кутилмоқда. Шунингдек, компания 2021 йилнинг биринчи ярим йиллигида классик премиум флагманни тақдим этишни режалаштирмоқда, бироқ ҳозирча у ҳақида маълумотлар ошкор этилмаган