«Қўйлиқ»даги «самосуд» ҳақида расмий хабар берилди (видео)

«Қўйлиқ»даги «самосуд» ҳақида расмий хабар берилди (видео)

Sirdaryo Xabarlari
Фото: Тошкент шаҳар ИИББ

Кеча ижтимоий тармоқларда Тошкентдаги «Қўйлиқ» бозорида бир нечта фуқаролар томонидан икки кишининг калтакланаётгани акс этган видео тарқалди. Ушбу ҳолат юзасидан ахборот берди.

Видео: Sirdaryo Xabarlari

Ҳолат бўйича Бектемир тумани ички ишлар бўлими ходимлари томонидан текширув ўтказилди ва қуйидагилар аниқланди.

Ҳодиса 2 июль куни соат тахминан 16.30да содир бўлган. «Қўйлиқ» бозорининг сотувчилари — 30 ёшли Суннатилло Ш. ва 31 ёшли Алишер Т. икки номаълум шахснинг 35 ёшли Жаҳонгир Ш.га қарашли «Кобальт» автомобилини очишга уринишаётганини кўриб қолишган. Шундан сўнг улар ҳодиса ҳақида ички ишлар идораларига хабар бермасдан, муқаддам судланган 40 ёшли Саиджон Т. ва 39 ёшли Аҳад К.ларнинг турли жойларига уриб, жароҳат етказишган.

Мавзуга доир: ВИДЕО: Навбатдаги «самосуд» пойтахтдаги Қўйлиқ бозорида!

Ушбу ҳолат юзасидан Ўзбекистон Республикаси Жиноят кодексининг 277-моддаси 2-қисми («безорилик») бўйича Суннатилло, Алишер ва Шуҳратга нисбатан жиноий иш қўзғатилган. Автомобилдан пул ўғирлашга уринган Саиджон Т. ва Аҳад К.ларга нисбатан Жиноят кодексининг 25-моддаси (Жиноятга тайёргарлик кўриш ва жиноят содир этишга суиқасд қилиш) ва 169-моддасининг иккинчи қисми («Ўғирлик») бўйича жиноий иш очилган. Дастлабки тергов ишлари олиб борилмоқда.

Report Page