ЧЕМПИОН БИЛАН УЧРАШУВ

Ўзбекистон Республикаси Президенти томонидан илгари сурилган 5 та ташаббуснинг 2-йўналиши – “Талаба ёшларни жисмоний чиниқтириш ва спорт соҳасида ўз қобилиятини намоён қилишлари учун зарур шароитлар яратиб бериш” ни амалга ошириш мақсадида 2019 йил 2 июль куни Гулистон давлат университетида универсал жанг спорт тури бўйича жаҳон чемпиони Алишер Абдуллаев билан учрашув ўтказилди.

Ушбу тадбирда Ёшлар билан ишлаш бўйича проректор Ф.Ниязов, Универсал жанг спорти тури бўйича жаҳон чемпиони Алишер Абдуллаев, профессор-ўқитувчилар, талабалар иштирок этди.

Учрашувда жаҳон чемпиони Алишер Абдуллаев спортга қандай кириб келгани, спортнинг машаққатлари, Ўзбекистон, Осиё ва Жаҳон чемпионатларида олган ўринлари ҳақида ўз фикрларини билдирди, шунингдек спортга қизиқувчи талабаларга ўз маслаҳатларини билдириб ўтди.

Гулистон давлат университети Матбуот хизмати