Ўзбекистонда коронавирусдан ўлганлар жасади куйдириладими?
@Sirdaryo
Ўзбекистонда коронавирус инфекциясига чалиниб, вафот этганларнинг жасади баъзи давлатларда бўлгани каби куйдирилмайди. Ислом урф-одатларига кўра дафн қилинади. Qalampir.uz'нинг ёзишича, бу ҳақда Санитария-эпидемиологик осойишталик агентлиги директорининг биринчи ўринбосари Ботир Қурбонов томонидан маълум қилинган.
Ботир Қурбонов шу масаладаги саволга жавоб бериб, коронавирусдан вафот этган фуқаролар Санитария-эпидемиологик осойишталик марказларининг мутахассислари иштирокида дафн этилишини айтиб ўтган.
HUMO bilan Misrga sayohat qiling! ✈️
“COVID-19 коронавирус инфекцияси тасдиқланган ва ушбу касалликдан вафот этган беморлар Санитария-эпидемиологик осойишталик марказларининг мутахассислари иштирокида қатъий санитария-гигиена талаблари асосида ҳамда зарарсизлантириш олиб борилиб Ислом дини урф-одатлари бўйича дафн этилмоқда”, - дейди Қурбонов.
Ботир Қурбонов томонидан хорижда бошқа касалликдан вафот этган фуқаронинг жасади Ўзбекистонга олиб келингач, қандай дафн этилишига ҳам аниқлик киритилган.
“Ушбу ҳолатда хақиқатда COVID-19 мавжуд эмаслиги тўғрисида маълумотнома тақдим этилса дафн маросимлари одатдаги тартибда амалга ошириши мумкин”, - дейди агентлик масъули.
Эслатиб ўтамиз, бугунгача Ўзбекистонда коронавирусга чалинган 27 нафарга бемор вафот этган.