Ёнғиндан уйнинг том қисми зарарланди
Sirdaryo Xabarlari
2019 йилнинг 24 июнь куни Сирдарё вилояти Сайхунобод тумани “Иттифоқ” МФЙ А.Навоий кўчасида жойлашган 144-уйда ёнғин содир бўлди.
Воқеа жойига етиб борган ёнғин ўчирувчиларнинг тезкор ҳаракатлари натижасида ёнғиндан уйнинг 100 кв.метр майдони сақлаб қолинган ва қўшни уйларга аланганинг тарқалиши олди олинган. Ҳодиса натижасида фуқароларни тан жароҳати олишларига ва ҳалок бўлишларига йўл қўйилмаган. Бироқ ёнғин ҳақида аланга майдони кенгайиб кетгандан сўнг ёнғин хавфсизлиги хизматига хабар берилгани учун 4 та ёнғин ўчириш бўлинмалари кўрсатилган манзилга етиб борганида иморатнинг асосий том қурилиш конструкциялари ёнаётганлиги маълум бўлган. Ёнғин оқибатида уйнинг 130 кв.метр майдонида том қисми ёниб зарарланган. Ҳодисанинг келиб чиқиш сабаби ва моддий зарар миқдори аниқланмоқда.
Ўзбекистон Республикаси Давлат ёнғин хавфсизлиги хизмати