Сирдарёлик божхоначилар ҳамиша ҳушёр
@SirdaryoСирдарё вилояти божхона бошқармаси “Сирдарё” чегара божхона пости ходимлари томонидан вилоят Контрабандага қарши курашиш ва божхона аудити бўлими ходимлари билан ҳамкорликда қўшни давлатдан юртимизга фуқаро Ҳ.К. бошқарувида кириб келган “MAN-TGS-19.390” русумли юк автотранспорт воситаси холислар иштирокида кўздан кечирилганида, автомашина ярим тиркамасининг паллети ичида “Йўловчи божхона декларациясида” кўрсатилмаган, ҳорижда ишлаб чиқарилган, сифати кафолатланмаган ва ҳеч қандай хужжатлари бўлмаган, 5 хил турдаги умумий қиймати 312, 5 млн. сўмлик бўлган:
1) 4 дона “МGТS-GPON” номли модем аппарати;
2) 102 дона қадоқланган пакетчаларда “Syngenta Tomato Mamston” номли помидор уруғи;
3) 3 дона қадоқланган пакетчаларда “Greentime CUG 9200 F1” номли бодринг уруғи;
4) 1 дона қадоқланган пакетчада “Greentime CUG 8722 F1” номлибодринг уруғи;
5) 1200 дона қадоқланган пакетчаларда “Cucumber/Pepino BJORN F1” номли бодринг уруғлари борлиги аниқланди.
Ҳозирда божхона органлари томонидан аниқланган холат юзасидан суриштирув ишлари олиб борилмоқда.
Сирдарё вилояти божхона бошқармаси