Ширин шаҳрида 30-июнь "Ёшлар куни" муносабати билан байрам шодиёналари ташкил этилди (фото).
@Sirdaryo
30-июнь "Ёшлар куни" ҳамда Ўзбекистон ёшлар иттифоқининг 2 ёш таваллуд аёми муносабати билан "Ёшлар ойлиги" доирасида Ширин шаҳар ёшлари ва "Фидокор ёшлар отрядлари" аъзолари учун Ширин шаҳар ҳокимлиги, Ўзбекистон ёшлар иттифоқи Ширин шаҳар Кенгаши ва бир қатор ҳамкор ташкилотлар томонидан 2019 йил 27 июнь куни Ширин шаҳри марказий ўйингоҳида галаконцерт бўлиб ўтди.
Байрам тадбири давомида китоб тақдимоти, викториналар, спорт кўргазмаси, меҳнат ярмаркаси ташкил этилди. Тадбирда Ёшлар ойлиги давомида ўтказилган кўрик-танловлар натижаларига кўра ғолибликни қўлга киритган бир қатор ёшлар шаҳар ҳокимлиги ва Ўзбекистон ёшлар иттифоқи шаҳар кенгаши томонидан тақдирланди.
Данил Каримов,
Ўзбекистон Ёшлар иттифоқи Ширин шаҳар Кенгаши матбуот котиби