Ширин шаҳрида мактабни "олтин медаль" билан тамомлаган ўқувчиларни тақдирлаш маросими бўлиб ўтди
@SirdaryoЖорий йилнинг 25 июнь куни Сирдарё вилояти Ширин шаҳар умумий ўрта таълим мактабларини "олтин медаль" билан тамомлаган битирувчиларни тақдирлаш маросими бўлиб ўтди.
Тадбирда шаҳар сектор раҳбарлари, тегишли масъул раҳбарлар, ўқитувчилар, ўқувчилар ва уларнинг ота-оналари иштирок этишди.
Даставвал юртимиз мадҳияси садолари янграб, Ширин шаҳар ҳокими А.Хожиматов томонидан тадбир расман очиб берилди ва мактабни намунали тамомлаб, олтин медал билан битирган ўқувчи ёшлар ва уларнинг устозлари, ота-оналари шаҳар сектор раҳбарлари томонидан тақдирланиб, "олтин медал"лар тантанали топширилди.
Тадбир давомида шунингдек, мактаб фаолиятида ўзининг самарали меҳнатлари аямай, жонкуяр ўқитувчилар, фидойи ходимлар ҳам сектор раҳбарлар томонидан тадирланди.
Якунда шаҳар ҳокими А.Хожиматов мактабни олтин медал билан битирган ўқувчиларга келгусида улкан муваффақиятлар ва зафарлар тилаб, уларга, уларнинг ота-оналарига, устозларига ўзининг миннатдорчилигини билдирди.
Ширин шаҳар ҳокимлиги Ахборот хизмати